കെ+എസ് ബെഥൂൺ ഖനിയിൽ പൊട്ടാഷ് ഉൽപ്പാദനം വർദ്ധിപ്പിക്കുന്നതിനുള്ള ഒരു വലിയ വികസന പദ്ധതിക്ക് തുടക്കമായി. അടുത്ത 20 വർഷത്തിനുള്ളിൽ ഏകദേശം 3 ബില്യൺ ഡോളർ (ഏകദേശം 25,000 കോടി രൂപ) ചിലവഴിച്ച് ഉൽപ്പാദനം ഇരട്ടിയാക്കാനാണ് കമ്പനി ലക്ഷ്യമിടുന്നത്. നിർമ്മാണ പ്രവർത്തനങ്ങൾ പുരോഗമിക്കുന്നതിനിടെ കെ+എസ് പൊട്ടാഷ് ഖനിയിൽ നടന്ന ചടങ്ങിൽ വെച്ച് വികസനത്തിന്റെ ആദ്യ ഘട്ടത്തിന് ഔദ്യോഗികമായി തുടക്കം കുറിച്ചു. “ഞങ്ങൾ ഈ പ്രവിശ്യയിൽ ശ്രദ്ധ കേന്ദ്രീകരിക്കുകയാണ്, ഇവിടെ വളരാൻ ഞങ്ങൾ പ്രതിജ്ഞാബദ്ധരാണ്, അതിന്റെ ഭാഗമായിട്ടാണ് ഇന്നത്തെ ഈ നടപടിയെന്ന് കെ+എസ് പൊട്ടാഷ് കാനഡ പ്രസിഡന്റ് സാം ഫാരിസ് മാധ്യമപ്രവർത്തകരോട് പറഞ്ഞു.
ആദ്യ ഘട്ടത്തിൽ ഉത്പാദനം പ്രതിവർഷം 2.2 ദശലക്ഷം ടണ്ണായി വർദ്ധിപ്പിക്കും, ഇത് നിലവിലുള്ള ഉത്പാദനത്തേക്കാൾ ഏകദേശം 35 ശതമാനം കൂടുതലാണ്. ജർമ്മനി ആസ്ഥാനമായുള്ള കെ+എസ് കമ്പനിക്ക് പൊട്ടാഷ് വിപണിയുടെ ഭാവിയെക്കുറിച്ച് വലിയ പ്രതീക്ഷയാണുള്ളത്. “പൊട്ടാഷ് വിപണി വളരെ ശക്തമാണ്. ഉൽപ്പാദനത്തേക്കാൾ ആവശ്യകത കൂടുതലാണ്, ഇത് നല്ലൊരു സൂചനയാണ്. അതിനാൽ വിലകൾ സ്ഥിരമായി നിലനിർത്താൻ സാധിക്കുന്നു,
ഈ വികസനത്തിന്റെ ഭാഗമായി ആദ്യ ഘട്ടത്തിൽ 500 നിർമ്മാണ തൊഴിലാളികൾക്ക് തൊഴിൽ ലഭിക്കും. പദ്ധതി പൂർത്തിയാകുമ്പോൾ, ഖനിയിൽ 50 സ്ഥിരം ജോലികളും സൃഷ്ടിക്കപ്പെടും. ഉൽപ്പാദനം വർധിക്കുന്നതിലൂടെ സർക്കാരിന് കൂടുതൽ റോയൽറ്റി വരുമാനം ലഭിക്കുമെന്നും അധികൃതർ അറിയിച്ചു. ഈ പ്രഖ്യാപനം കെ+എസ് സ്ഥാപനത്തിന്റെ 20 വർഷം നീണ്ടുനിൽക്കുന്ന വികസന പദ്ധതിയുടെ ഭാഗമാണ്. ഇത് പൂർത്തിയാകുമ്പോൾ നിലവിലെ ഉൽപ്പാദനത്തിന്റെ ഇരട്ടിയാകുമെന്നാണ് പ്രതീക്ഷിക്കുന്നത്. ഈ പദ്ധതി സാസ്കച്ചെവാൻ പ്രവിശ്യയുടെ സാമ്പത്തിക വളർച്ചയ്ക്ക് വലിയ സംഭാവന നൽകുമെന്ന് ഊർജ്ജ-വിഭവ മന്ത്രി കോളിൻ യംഗ് അഭിപ്രായപ്പെട്ടു.
Huge job opportunities in Canada; Saskatchewan launches $3 billion potash project
📢 കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/JNSnrvnSqw1DUJljLTLp82
