സാസ്കച്ചെവാൻ: കാനഡയിലെ കുടിയേറ്റ നയങ്ങളിൽ സമൂലമായ മാറ്റങ്ങൾ വരുത്തണമെന്ന് സാസ്കച്ചെവാൻ പ്രീമിയർ സ്കോട്ട് മേ. താൽക്കാലിക വിദേശ തൊഴിലാളികളെ ആശ്രയിക്കുന്നതിന് പകരം രാജ്യത്തിന്റെ ദീർഘകാല വളർച്ചക്ക് ഊന്നൽ നൽകി സാമ്പത്തിക കുടിയേറ്റത്തിന് മുൻഗണന നൽകണമെന്നാണ് അദ്ദേഹത്തിന്റെ വാദം. സ്ഥിരമായി രാജ്യത്ത് താമസിക്കാൻ താൽപ്പര്യമുള്ള വൈദഗ്ധ്യമുള്ള തൊഴിലാളികളെയാണ് കാനഡക്ക് ആവശ്യമെന്നും അദ്ദേഹം ചൂണ്ടിക്കാട്ടി.
താൽക്കാലിക വിദേശ തൊഴിലാളി പദ്ധതി (Temporary Foreign Worker Program) റദ്ദാക്കണമെന്ന് കൺസർവേറ്റീവ് നേതാവ് പിയറി പൊലിവ്രെ ആവശ്യപ്പെട്ടതിന് പിന്നാലെയാണ് സ്കോട്ട് മോയുടെ ഈ പ്രസ്താവന. താൽക്കാലിക തൊഴിലാളി പദ്ധതി കനേഡിയൻ യുവാക്കളുടെ വേതനം കുറയ്ക്കുന്നുവെന്നും തൊഴിലവസരങ്ങൾ ഇല്ലാതാക്കുന്നുവെന്നും പൊലിവ്ര ആരോപിച്ചിരുന്നു. ഇതേ ആശങ്കകൾ പങ്കുവെച്ചുകൊണ്ട് ബ്രിട്ടീഷ് കൊളംബിയൻ പ്രീമിയർ ഡേവിഡ് എബിയും രംഗത്തെത്തി. താൽക്കാലിക തൊഴിലാളി പദ്ധതി ഭവന, അഭയ, ഭക്ഷ്യ ബാങ്കുകൾക്ക് വലിയ സമ്മർദ്ദം ഉണ്ടാക്കുന്നുണ്ടെന്നും അദ്ദേഹം പറഞ്ഞു.
ഇത് ഫെഡറൽ സർക്കാരിന്മേലുള്ള സമ്മർദ്ദം വർദ്ധിപ്പിക്കുന്നുണ്ട്. താൽക്കാലിക തൊഴിലാളികളെ ആശ്രയിക്കുന്നത് സുസ്ഥിരമാണോ അതോ വൈദഗ്ധ്യമുള്ള സ്ഥിര കുടിയേറ്റത്തിന് മുൻഗണന നൽകണമോ എന്ന കാര്യത്തിൽ രാജ്യത്തുടനീളം ചർച്ചകൾ സജീവമാകുകയാണ്.
📢 കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/JNSnrvnSqw1DUJljLTLp82
Moe says Canada should focus on economic immigration, as some leaders call for end to temporary foreign worker program
