കാനഡയിലെ യോർക്ക് റീജണിൽ നടന്ന ഒരു വീട്ടുകവർച്ചാ ശ്രമത്തിന്റെ ഞെട്ടിപ്പിക്കുന്ന വീഡിയോ യോർക്ക് റീജണൽ പോലീസ് പുറത്തുവിട്ടു. ഈ വീട്ടുകവർച്ചാശ്രമം നടന്നത് വോൺ നഗരത്തിലാണ്. സംഭവസമയത്ത് വീട്ടിലുണ്ടായിരുന്ന രണ്ട് മുതിർന്നവരും ആറും ഒമ്പതും വയസ്സുള്ള രണ്ട് കുട്ടികളും പരിക്കേൽക്കാതെ രക്ഷപ്പെട്ടു. മൂന്ന് പേരാണ് മോഷണത്തിനായി വീട്ടിലേക്ക് അതിക്രമിച്ച് കയറിയത്. പുലർച്ചെ 2:20-ഓടെയാണ് വീട്ടുകവർച്ചാശ്രമം നടന്നതായി പോലീസിന് വിവരം ലഭിച്ചത്.
വീടിന്റെ മുൻവാതിൽ തകർത്ത് അകത്ത് കയറാൻ ശ്രമിക്കുന്ന മോഷ്ടാക്കളെ വീഡിയോയിൽ കാണാം. ഇതിലൊരാളുടെ കയ്യിൽ തോക്കുണ്ടായിരുന്നു. വാതിലിലെ ഗ്ലാസ് തകർത്ത് കൈ അകത്തേക്കിട്ട് വാതിൽ തുറക്കാൻ ശ്രമിക്കുന്നതും വീഡിയോയിലുണ്ട്.ഈ സമയം വീടിനകത്ത് നിന്ന് വീട്ടുകാർ ഉച്ചത്തിൽ നിലവിളിക്കുന്നതും “പുറത്ത് പോകൂ” എന്ന് ആക്രോശിക്കുന്നതും കേൾക്കാം. ഈ നിലവിളി കേട്ടതും മോഷ്ടാക്കൾക്ക് പരിഭ്രമമായി. അതോടെ അവർ വീട്ടിൽ നിന്ന് ഇറങ്ങിയോടുകയായിരുന്നു.
സെക്യൂരിറ്റി അലാറം അടിച്ചതും മോഷ്ടാക്കൾ കറുത്ത നിറമുള്ള ഒരു സ്പോർട്സ് യൂട്ടിലിറ്റി വാഹനത്തിൽ (എസ്.യു.വി) രക്ഷപ്പെട്ടു. വാഹനത്തിൽ നാലാമതൊരു ആളുമുണ്ടായിരുന്നതായി പോലീസ് പറഞ്ഞു. മോഷ്ടാക്കളെ തിരിച്ചറിയുന്നതിനായി പോലീസ് സാക്ഷികളെ തേടുന്നുണ്ട്. മൂന്ന് മോഷ്ടാക്കളും ഇരുണ്ട നിറമുള്ള വസ്ത്രങ്ങളും മുഖം മൂടിയും ധരിച്ചിരുന്നു. ഇതിൽ ഒരാളുടെ കയ്യിൽ തോക്കുണ്ടായിരുന്നു. മറ്റൊരാൾ കറുത്ത വസ്ത്രങ്ങളും തല മറയ്ക്കുന്ന ബാലക്ലാവയും ധരിച്ചിരുന്നു.
മൂന്നാമത്തെയാളെക്കുറിച്ച് കൂടുതൽ വിവരങ്ങൾ ലഭിച്ചിട്ടില്ല. ഈ സംഭവത്തിൽ വീട്ടിൽ നിന്ന് ഒന്നും നഷ്ടപ്പെട്ടിട്ടില്ലെന്നും ആർക്കും പരിക്കില്ലെന്നും പോലീസ് അറിയിച്ചു. ഈ സംഭവം നടന്നതിന് തൊണ്ണൂറ് മിനിറ്റ് മുൻപ് ഇതേ ക്ലൈൻബെർഗ് പ്രദേശത്ത് മറ്റൊരു വീട്ടുകവർച്ചയും നടന്നിരുന്നു. നാല് കുട്ടികളുടെ അച്ഛനായ 46 വയസ്സുകാരൻ അലീം ഫാറൂഖിക്ക് ആ കവർച്ചയിൽ ജീവൻ നഷ്ടപ്പെട്ടിരുന്നു. ഈ രണ്ട് സംഭവങ്ങൾക്കും തമ്മിൽ ഔദ്യോഗികമായി ബന്ധമൊന്നുമില്ലെന്ന് പോലീസ് പറയുന്നുണ്ടെങ്കിലും, ഇവ തമ്മിൽ ബന്ധമുണ്ടോ എന്നറിയാൻ അന്വേഷണം നടന്നുവരികയാണ്.
Movie-style robbery attempt in Vaughan; entered the house with a gun in hand, but everything collapsed due to the screams of the family; the thieves ran away!
📢 കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/JNSnrvnSqw1DUJljLTLp82
