ഓണം റിലീസായി ഇന്ന് തിയേറ്ററുകളിൽ എത്തിയ മോഹൻലാൽ ചിത്രം ‘ഹൃദയപൂർവ്വം’ ആദ്യ ദിനം അവസാനിക്കുമ്പോൾ വലിയ പ്രതീക്ഷകളാണ് പ്രക്ഷകർക്ക് നൽകുന്നത്. സത്യൻ അന്തിക്കാടിന്റെ സംവിധാനത്തിൽ, അഖിൽ സത്യൻ കഥയെഴുതി, സോനു ടി.പി തിരക്കഥയും സംഭാഷണവും ചെയ്ത ഈ ചിത്രത്തിന്റെ ആദ്യ ഷോകൾക്കു പിന്നാലെ പ്രമുഖ സിനിമാ നിരൂപകനായ അശ്വന്ത് കോക്കിന്റെ റിവ്യൂ ആണ് സമൂഹമാധ്യമങ്ങളിൽ പ്രധാന ചർച്ചയാവുന്നത്.
ചിത്രം ഒരു ‘ഫീൽ ഗുഡ്’ അനുഭവം നൽകുന്നു എന്നാണ് അശ്വന്ത് കോക്ക് തന്റെ റിവ്യൂവിൽ പറയുന്നത്. സിനിമയുടെ ദൃശ്യങ്ങൾ വളരെ ശാന്തവും സൗന്ദര്യമുള്ളതാണ്. അനു മുത്തേടത്തിൻ്റെ ഛായാഗ്രഹണം ചിത്രത്തിന്റെ ഫീൽ-ഗുഡ് മൂഡിന് പൂർണ്ണ പിന്തുണ നൽകുന്നുണ്ട്. വളരെ ലൈറ്റ് ആയ ഷോട്ടുകൾ സിനിമയ്ക്ക് കൂടുതൽ മിഴിവേകുന്നു. കൂടാതെ, കെ. രാജഗോപാലിന്റെ എഡിറ്റിംഗും സിനിമയുടെ ഒഴുക്ക് നിലനിർത്തുന്നതിൽ നിർണ്ണായക പങ്കു വഹിച്ചിട്ടുണ്ടെന്നും അശ്വന്ത് കോക്ക് പറയുന്നു.
ജസ്റ്റിൻ പ്രഭാകരൻ്റെ സംഗീതം ചിത്രത്തിന് ഭംഗിയാക്കിയിട്ടുണ്ട്. ചില സമയങ്ങളിൽ പാട്ടുകൾ അമിതമാണെന്ന് തോന്നിയേക്കാമെങ്കിലും, വൈകാരിക രംഗങ്ങളിൽ സംഗീതം അതിമനോഹരമായി വർക്ക് ചെയ്തിട്ടുണ്ട്. സമീറ സനീഷിൻ്റെ ഛായഗ്രഹണം കഥാപാത്രങ്ങൾക്ക് ജീവൻ നൽകി. പ്രത്യേകിച്ച്, മാളവിക മോഹനൻ്റെ കോസ്റ്റ്യൂമുകൾ ശ്രദ്ധേയമായിരുന്നു.
നിർമ്മാണം ലാലേട്ടന്റെ ആശിർവാദ് പ്രൊഡക്ഷൻസ് ആയതുകൊണ്ടുതന്നെ ടൈറ്റിൽ കാർഡ് വളരെ മികച്ചതായിരുന്നു. മറ്റ് പല സിനിമകളിലും ദൈവത്തിനെ കൂട്ടുപിടിക്കുമ്പോൾ, ഈ സിനിമയിൽ ദൈവത്തെ കളിയാക്കിക്കൊണ്ടുള്ള ഡാർക്ക് ഹ്യൂമറുകൾ ധാരാളമുണ്ട്. സിദ്ദിഖിന്റെ കോമഡി കഥാപാത്രമായ ഓ.കെ. ചാക്കോയിലൂടെയാണ് ഇതിൽ പലതും അവതരിപ്പിച്ചിരിക്കുന്നത്. മോഹൻലാലിന്റെ സന്ദീപ് എന്ന കഥാപാത്രം, നടുവേദനയുള്ള ഒരു സാധാരണക്കാരന്റെ റോൾ വളരെ സ്വാഭാവികമായി കൈകാര്യം ചെയ്തിരിക്കുകയാണെന്ന് അശ്വന്ത് കോക്ക് പറയുന്നു. ആ കഥാപാത്രത്തെ വളരെ സൂക്ഷ്മതയോടെയാണ് അദ്ദേഹം കൈകാര്യം ചെയ്തിരിക്കുന്നത്. ചിത്രത്തിന്റെ തുടക്കത്തിൽ ‘ബിഗ് ബ്രദർ’ എന്ന സിനിമ പോലെ ആകുമോ എന്നുള്ള പലരുടെയും ഭയം തന്റെ പ്രകടനത്തിലൂടെ തന്നെ അദ്ദേഹം ഇല്ലാതാക്കുമെന്നാണ് അശ്വന്ത് കോക്ക് പറയുന്നത്.
മാളവിക മോഹൻ്റെ കഥാപാത്രം തുടക്കത്തിൽ അരോചകമായി തോന്നിയേക്കാമെങ്കിലും, കഥയുടെ അവസാനം ആ കഥാപാത്രത്തിൻ്റെ യഥാർത്ഥ സ്വഭാവം മനസ്സിലാകുമെന്നും അശ്വന്ത് കോക്ക് അഭിപ്രായപ്പെടുന്നു. സിദ്ദിഖ് അവതരിപ്പിച്ച ഓ.കെ. ചാക്കോ എന്ന കഥാപാത്രം സിനിമയുടെ കോമഡി ഭാഗങ്ങൾ കൃത്യമായി കൈകാര്യം ചെയ്തിട്ടുണ്ട്. പല രംഗങ്ങളിലും ഡാർക്ക് ഹ്യൂമർ വളരെ ഫലപ്രദമായി ഉപയോഗിച്ചിരിക്കുന്നത് കാണാം. ഈ സിനിമയെ അവസാനം വരെ താങ്ങിനിർത്തുന്നത് സംഗീത് പ്രതാപ് ആണ്. സന്ദീപ് തന്റെ കഥാപാത്രത്തെ മികച്ച രീതിയിൽ അവതരിപ്പിച്ചു. ജനാർദ്ദനൻ, ലാലു അലക്സ്, ബാബു രാജ്, സംഗീത എന്നിവരും തങ്ങളുടെ കഥാപാത്രങ്ങളെ വൃത്തിയായി കൈകാര്യം ചെയ്തു. മൊത്തത്തിൽ, ഒരു പോസിറ്റീവ് ചലച്ചിത്രമായാണ് അശ്വന്ത് കോക്ക് ഈ സിനിമയെ വിലയിരുത്തുന്നത്.
Onam, Mohanlal, Ashwanth Kok's positive review!
