ഇന്ത്യയും ചൈനയും തമ്മിലുള്ള അതിർത്തി പ്രശ്നങ്ങളെക്കുറിച്ച് ചർച്ച ചെയ്യാനായി ചൈനീസ് വിദേശകാര്യ മന്ത്രി വാങ് യി ഇന്ത്യ സന്ദർശിക്കും. ഈ സന്ദർശനത്തിൽ അദ്ദേഹം ദേശീയ സുരക്ഷാ ഉപദേഷ്ടാവ് അജിത് ഡോവലുമായി കൂടിക്കാഴ്ച നടത്തും. റഷ്യയിൽ നിന്ന് ഇന്ത്യ എണ്ണ വാങ്ങുന്നതുമായി ബന്ധപ്പെട്ട് അമേരിക്കയുമായി നിലനിൽക്കുന്ന പ്രശ്നങ്ങൾക്ക് പിന്നാലെയാണ് ഈ സന്ദർശനം. ഈ സാഹചര്യത്തിൽ ഇന്ത്യ റഷ്യയോടും ചൈനയോടും കൂടുതൽ അടുക്കുന്നത് ലോകം ശ്രദ്ധയോടെയാണ് നിരീക്ഷിക്കുന്നത്.
ഷാങ്ഹായ് കോർപ്പറേഷൻ ഓർഗനൈസേഷൻ ഉച്ചകോടിയിൽ പങ്കെടുക്കാൻ പ്രധാനമന്ത്രി നരേന്ദ്ര മോദി ചൈനയിലെ ടിയാൻജിനിലേക്ക് പോകുന്നതിന് മുന്നോടിയായാണ് ഈ കൂടിക്കാഴ്ച. ഈ ഉച്ചകോടിയിൽ ചൈനീസ് പ്രസിഡന്റ് ഷി ജിൻപിങ്, റഷ്യൻ പ്രസിഡന്റ് വ്ലാഡിമിർ പുട്ടിൻ എന്നിവരും പങ്കെടുക്കുന്നുണ്ട്.
ഗാൽവാൻ സംഘർഷത്തിന് ശേഷം, 2024 ഒക്ടോബറിലെ സ്ഥിതിയിലേക്ക് സേനകളെ പിൻവലിക്കാൻ ഇരുരാജ്യങ്ങളും തീരുമാനമെടുത്തിരുന്നു. എന്നാൽ ചില മേഖലകളിൽ ഇത് പൂർത്തിയായിട്ടില്ല. ഈ സാഹചര്യത്തിൽ വാങ് യിയും അജിത് ഡോവലും തമ്മിലുള്ള കൂടിക്കാഴ്ച വളരെ പ്രധാനപ്പെട്ടതാണ്. 2019-ന് ശേഷം ആദ്യമായാണ് പ്രധാനമന്ത്രി മോദി ചൈന സന്ദർശിക്കുന്നത്.
ഈയിടെയായി, ടൂറിസ്റ്റ് വീസ സംബന്ധിച്ച നിയന്ത്രണങ്ങൾ ഇന്ത്യ ചൈനീസ് പൗരന്മാർക്കായി നീക്കിയിരുന്നു. അതോടൊപ്പം, ചൈനയിലേക്ക് വിമാന സർവീസുകൾ പുനരാരംഭിക്കാൻ ഇന്ത്യൻ വ്യോമയാന കമ്പനികൾക്ക് നിർദ്ദേശം നൽകുകയും ചെയ്തു. കോവിഡ് ലോക്ക്ഡൗണിന്റെ സമയത്താണ് ചൈനയിലേക്കുള്ള നേരിട്ടുള്ള വിമാന സർവീസുകൾ ഇന്ത്യ നിർത്തിവച്ചത്.
Ahead Of PM’s China Visit, Chinese Foreign Minister, NSA Ajit Doval To Meet
