സൂപ്പർസ്റ്റാർ രജനികാന്ത് നായകനായ പുതിയ ചിത്രം ‘കൂലി’ ഓഗസ്റ്റ് 13ന് ആരംഭിക്കുന്ന പ്രീമിയർ ഷോ മുതൽ കാനഡയിലെ തിയേറ്ററുകളിൽ പ്രദർശനത്തിനെത്തുന്നു. യോർക്ക് സിനിമാസാണ് ചിത്രം കാനഡയിൽ വിതരണം ചെയ്യുന്നത്. ഒന്റാറിയോ, ബ്രിട്ടീഷ് കൊളംബിയ, ആൽബർട്ട, മാനിറ്റോബ, ക്യൂബെക്ക്, നോവ സ്കോട്ടിയ, സസ്കാച്ചെവാൻ എന്നീ കാനഡയിലെ പ്രധാന പ്രവിശ്യകളിലെല്ലാം ചിത്രം റിലീസ് ചെയ്യും. രജനികാന്തിന്റെ തകർപ്പൻ ആക്ഷൻ രംഗങ്ങളും സ്റ്റൈലിഷ് അവതരണവും വലിയ സ്ക്രീനിൽ തന്നെ ആസ്വദിക്കാൻ പ്രേക്ഷകർക്ക് ഇത് അവസരമൊരുക്കുന്നു.
ലോകേഷ് കനകരാജിന്റെ സംവിധാനത്തിലും അനിരുദ്ധിന്റെ മ്യൂസിക്കിലുമെത്തുന്ന ‘കൂലി’ കോളിവുഡിലെ ഈ വർഷത്തെ ഏറ്റവും വലിയ പ്രതീക്ഷയുള്ള സിനിമകളിൽ ഒന്നാണ്. സിനിമയ്ക്ക് മേലുള്ള ആരാധകരുടെ പ്രതീക്ഷ വാനോളമാണ്. ശക്തമായ ദൃശ്യങ്ങളും ആകർഷകമായ കഥാസന്ദർഭങ്ങളും രജനിയുടെ സിഗ്നേച്ചർ ശൈലിയും ചിത്രത്തിന്റെ പ്രധാന ആകർഷണങ്ങളാണ്. ഏറെക്കാലത്തിനു ശേഷം രജനികാന്തിനെ ഒരു മാസ്സ് ആക്ഷൻ റോളിൽ കാണാൻ സാധിക്കുന്നതിന്റെ ആകാംക്ഷയിലാണ് ആരാധകർ. കാനഡയിലുള്ള തമിഴ് സിനിമാ പ്രേമികൾക്കിടയിൽ ഇതിനോടകം വലിയ തരംഗം സൃഷ്ടിക്കാൻ ‘കൂലി’ക്ക് കഴിഞ്ഞിട്ടുണ്ട്.
തിയേറ്ററുകളുടെ പൂർണ്ണമായ ലിസ്റ്റ് ലഭ്യമായിട്ടുണ്ട്. ടിക്കറ്റുകൾ മുൻകൂട്ടി ബുക്ക് ചെയ്യാനുള്ള സൗകര്യവും ഏർപ്പെടുത്തിയിട്ടുണ്ട്. കൂടുതൽ വിവരങ്ങൾക്കും ടിക്കറ്റ് ബുക്കിംഗിനുമായി യോർക്ക് സിനിമാസിന്റെ വെബ്സൈറ്റ് സന്ദർശിക്കുകയോ അതത് തിയേറ്ററുകളുമായി ബന്ധപ്പെടുകയോ ചെയ്യാം. രജനികാന്തിന്റെ ഈ സിനിമാ വിസ്മയം കാനഡയിലെ സിനിമാ ആസ്വാദകർക്ക് ഒരു പുതിയ അനുഭവമായിരിക്കും എന്നതിൽ സംശയമില്ല.
