കനേഡിയൻ അലൂമിനിയം ഉൽപ്പന്നങ്ങൾക്ക് യു.എസ്. ചുമത്തിയ ഉയർന്ന താരിഫുകൾ സംബന്ധിച്ച ചർച്ചകൾ ക്രിയാത്മകമായി മുന്നോട്ട് പോകുന്നുണ്ടെങ്കിലും, ഒരു ധാരണയിലെത്താൻ ഇനിയും ഏറെ ദൂരം സഞ്ചരിക്കാനുണ്ടെന്ന് കനേഡിയൻ വ്യാപാര മന്ത്രി ഡൊമിനിക് ലെബ്ലാങ്ക് . ഇരു രാജ്യങ്ങളുടെയും സമ്പദ് വ്യവസ്ഥകൾക്ക് ദോഷകരമായി ബാധിക്കുന്ന ഈ താരിഫുകൾ നീക്കം ചെയ്യാനുള്ള ചർച്ചകൾക്കായി ആകാംക്ഷയോടെ കാത്തിരിക്കുകയാണ്.
യു.എസ്. അലൂമിനിയത്തിന് 50 ശതമാനം താരിഫ് ഏർപ്പെടുത്തിയ നടപടി ഇരു രാജ്യങ്ങളെയും പ്രതികൂലമായി ബാധിക്കുന്നുണ്ടെന്ന് ലെബ്ലാങ്ക് പറഞ്ഞു. കനേഡിയൻ അലൂമിനിയം ഉൽപ്പന്നങ്ങൾ അമേരിക്കൻ വിപണിയിൽ വ്യാപകമായി ഉപയോഗിക്കുന്നുണ്ട്. ഉദാഹരണത്തിന്, വാഹന നിർമ്മാണം പോലുള്ള സംയോജിത മേഖലകളിൽ ഈ താരിഫുകൾ ഉൽപ്പന്നങ്ങളുടെ വില വർദ്ധിപ്പിക്കുന്നു. കാനഡയിൽ നിർമ്മിക്കുന്ന കാറുകളിൽ 50 ശതമാനവും അമേരിക്കൻ ഭാഗങ്ങൾ ഉപയോഗിച്ചാണ് നിർമ്മിക്കുന്നത്. അതിനാൽ, താരിഫ് വർധന ഇരുരാജ്യങ്ങൾക്കും വില വർദ്ധിപ്പിക്കുന്നതിലൂടെ തിരിച്ചടിയാകുമെന്നും അദ്ദേഹം കൂട്ടിച്ചേർത്തു.
ദേശീയ സുരക്ഷാ കാരണങ്ങൾ ചൂണ്ടിക്കാട്ടിയാണ് യു.എസ്. താരിഫ് ഏർപ്പെടുത്തിയതെങ്കിലും, കാനഡയുടെയും ലക്ഷ്യം സ്വന്തം സമ്പദ്വ്യവസ്ഥയെ ശക്തിപ്പെടുത്തുക എന്നതാണ്. അതിനാൽ, യു.എസ്. പ്രസിഡന്റ് ട്രംപുമായി പ്രധാനമന്ത്രി മാർക്ക് കാർണി ഉടൻ തന്നെ ചർച്ച നടത്തുമെന്ന് ലെബ്ലാങ്ക് പ്രതീക്ഷ പ്രകടിപ്പിച്ചു. അതേസമയം, ചർച്ചകൾ പുരോഗമിക്കുമ്പോൾ തന്നെ താരിഫ് നിലനിൽക്കുമെന്നാണ് യു.എസ്. പ്രതിനിധി ജാമിസൺ ഗ്രീർ ഇതേ പരിപാടിയിൽ അറിയിച്ചത്. USMCA കരാറിന്റെ നിബന്ധനകളെ യു.എസ്. മാനിക്കുന്നുണ്ടെങ്കിലും, ഇരു രാജ്യങ്ങൾക്കും സഹകരിച്ചു പ്രവർത്തിച്ചാൽ മാത്രമേ കൂടുതൽ നേട്ടങ്ങൾ കൊയ്യാനാകൂ എന്ന് ലെബ്ലാങ്ക് ഓർമ്മിപ്പിച്ചു.
കാനഡ തങ്ങളുടെ സ്റ്റീൽ വ്യവസായത്തെ ദേശീയ സുരക്ഷയുടെയും സാമ്പത്തിക ഭാവിയുടെയും ഭാഗമായിട്ടാണ് കാണുന്നതെന്നും അതിനാൽ, ഈ വ്യവസായങ്ങളെ സംരക്ഷിക്കാൻ യു.എസ്സുമായി സഹകരിച്ചു പ്രവർത്തിക്കുമെന്നും ലെബ്ലാങ്ക് വ്യക്തമാക്കി. ഇരു രാജ്യങ്ങളും പരസ്പരം ഉൽപ്പന്നങ്ങൾ വിൽക്കുന്നതിനുപരിയായി ഒരുമിച്ച് ഉൽപ്പന്നങ്ങൾ നിർമ്മിക്കുകയാണ് ചെയ്യുന്നതെന്നും, ഈ സഹകരണ മനോഭാവമാണ് മുന്നോട്ട് കൊണ്ടുപോകേണ്ടതെന്നും അദ്ദേഹം ഊന്നിപ്പറഞ്ഞു.
Canada - U.S. tariff dispute: Canadian trade minister says price hikes will hurt both countries
