യു.എസ്-കാനഡ വ്യാപാരത്തർക്കം പരിഹരിക്കുന്നതിനായി അമേരിക്കൻ പ്രസിഡൻ്റ് ഡോണൾഡ് ട്രംപും പ്രധാനമന്ത്രി മാർക്ക് കാർണിയും അടുത്ത ദിവസങ്ങളിൽ കൂടിക്കാഴ്ച നടത്തുമെന്ന് കാനഡ-യു.എസ് വ്യാപാര മന്ത്രി ഡൊമിനിക് ലെബ്ലാങ്ക് അറിയിച്ചു. യു.എസുമായുള്ള വ്യാപാരബന്ധം മെച്ചപ്പെടുത്തുന്നതിൽ തങ്ങൾക്ക് വലിയ താൽപ്പര്യമുണ്ടെന്നും ഇരു രാജ്യങ്ങളുടെയും സമ്പദ്വ്യവസ്ഥയെ ശക്തിപ്പെടുത്തുന്നതിന് ഇത് സഹായകമാകുമെന്നും അദ്ദേഹം പറഞ്ഞു.
വർധിച്ചു വരുന്ന കാനഡയുടെ ഉത്പന്നങ്ങളുടെ ഇറക്കുമതി താരിഫ് 35 ശതമാനമായി ഉയർത്തിയ ട്രംപിന്റെ തീരുമാനത്തിൽ കാനഡ നിരാശ രേഖപ്പെടുത്തിയിരുന്നു. യു.എസ്-കാനഡ-മെക്സിക്കോ കരാറിൻ്റെ പരിധിയിൽ വരാത്ത ഉത്പന്നങ്ങൾക്കാണ് ഈ താരിഫ് ബാധകമാകുന്നത്. ഈ വിഷയത്തിൽ ചർച്ചകൾക്കായി ലെബ്ലാങ്ക് നേരത്തെ വാഷിംഗ്ടണിൽ എത്തിയിരുന്നെങ്കിലും കരാറിലേക്കെത്താൻ സാധിച്ചിരുന്നില്ല.
ട്രംപിൻ്റെ പുതിയ താരിഫ് തീരുമാനത്തിൽ നിരാശയുണ്ടെന്ന് പ്രധാനമന്ത്രി മാർക്ക് കാർണി പ്രസ്താവനയിലൂടെ വ്യക്തമാക്കിയിരുന്നു. തങ്ങളുടെ ഫെൻ്റനൈൽ ഇറക്കുമതി ഒരു ശതമാനം മാത്രമാണെന്നും ഇത് കുറയ്ക്കുന്നതിന് തങ്ങൾ തീവ്രമായി പ്രവർത്തിക്കുന്നുണ്ടെന്നും കാർണി പറഞ്ഞു.
ഈ വർഷം ആദ്യം ട്രംപ് കാനഡയെ 51-ആം സംസ്ഥാനമാക്കാമെന്ന് സൂചിപ്പിച്ചിരുന്നു. എന്നാൽ, തൻ്റെ രാജ്യം വിൽപ്പനക്കുള്ളതല്ല എന്ന് കാർണി അന്ന് മറുപടി നൽകി. നിലവിലെ സാഹചര്യത്തിൽ ഇരു രാജ്യങ്ങളും തമ്മിൽ ചർച്ചകൾ നടക്കുമെങ്കിലും വ്യാപാരത്തർക്കത്തിൽ എത്രത്തോളം പുരോഗതിയുണ്ടാകുമെന്ന കാര്യത്തിൽ വ്യക്തതയില്ല.
