തെക്കൻ ഒന്റാരിയോയിൽ അടുത്ത ദിവസങ്ങളിൽ കടുത്ത ചൂട് അനുഭവപ്പെടുമെന്ന് മുന്നറിയിപ്പ് നൽകി കനേഡിയൻ എൻവിറോണ്മെന്റ് ഏജൻസി. ഇന്ന് (ജൂലൈ 27, 2025) പുറപ്പെടുവിച്ച മുന്നറിയിപ്പ് അനുസരിച്ച്, ചൊവ്വാഴ്ച വരെ ഉയർന്ന താപനില തുടരും. വിൻഡ്സർ മേഖലയിൽ ഇന്ന് (ഞായറാഴ്ച) 31 ഡിഗ്രി സെൽഷ്യസ് ചൂട് അനുഭവപ്പെടുകയും, ഇത് 36 ഡിഗ്രിക്ക് തുല്യമായി തോന്നിയേക്കാമെന്നും അധികൃതർ അറിയിച്ചു.
ചാതം-കെന്റ് പബ്ലിക് ഹെൽത്ത് വിഭാഗം പൊതുജനങ്ങൾക്ക് ജാഗ്രതാ നിർദ്ദേശം നൽകിയിട്ടുണ്ട്. ചൂടിനെ നേരിടാൻ ആവശ്യമായ മുൻകരുതലുകൾ എടുക്കാനും, കുടുംബാംഗങ്ങളെയും സുഹൃത്തുക്കളെയും അയൽക്കാരെയും ശ്രദ്ധിക്കാനും അവർ അഭ്യർത്ഥിച്ചു. തിങ്കളാഴ്ചയായിരിക്കും ഏറ്റവും കൂടുതൽ ചൂട് അനുഭവപ്പെടുകയെന്നും, വിൻഡ്സറിൽ ഇത് 40 ഡിഗ്രി സെൽഷ്യസിന് അടുത്തായി അനുഭവപ്പെടുമെന്നും എൻവിറോണ്മെന്റ് കാനഡ അറിയിച്ചു.
ഞായറാഴ്ച രാവിലെ മുതൽ മഴയ്ക്കും ഇടിമിന്നലിനും 40% സാധ്യതയുണ്ട്. പിന്നീട് തെളിഞ്ഞ കാലാവസ്ഥയായിരിക്കും. ഉയർന്ന താപനില 31 ഡിഗ്രി സെൽഷ്യസ്, ഹ്യുമിഡെക്സ് 36. ഞായറാഴ്ച രാത്രി ഭാഗികമായി മേഘാവൃതമായിരിക്കും, പുലർച്ചയോടെ മൂടൽമഞ്ഞ് രൂപപ്പെടാം. കുറഞ്ഞ താപനില 22 ഡിഗ്രി സെൽഷ്യസ്.
തിങ്കളാഴ്ച തെളിഞ്ഞ കാലാവസ്ഥയായിരിക്കും, രാവിലെ മൂടൽമഞ്ഞായി മാറും. ഉയർന്ന താപനില 31 ഡിഗ്രി സെൽഷ്യസ്, ഹ്യുമിഡെക്സ് 40. ചൊവ്വാഴ്ച ഭാഗികമായി മേഘാവൃതമായ കാലവസ്ഥ ആയിരിക്കും. ഉയർന്ന താപനില 31 ഡിഗ്രി സെൽഷ്യസ്. ബുധനാഴ്ച 40% മഴയ്ക്ക് സാധ്യതയുണ്ട്. ഉയർന്ന താപനില 28 ഡിഗ്രി സെൽഷ്യസ്. വ്യാഴാഴ്ച തെളിഞ്ഞ കാലാവസ്ഥയായിരിക്കും, ഉയർന്ന താപനില 25 ഡിഗ്രി സെൽഷ്യസ്.
What a heatwave! Ontario issues heat advisory; be careful when going out!
