ആൽബെർട്ടയിൽ ആർട്ടിഫിഷ്യൽ ഇൻ്റലിജൻസ് (AI) ഉപയോഗിച്ച് ചൈൽഡ് പോൺ നിർമ്മിച്ച കേസിൽ ഫുട്ബോൾ ആൽബെർട്ട U18 വനിതാ ടീമിൻ്റെ കോച്ച് അറസ്റ്റിലായി. ലെത്ബ്രിഡ്ജിൽ നിന്നുള്ള 38 വയസ്സുകാരനായ ജസ്റ്റിൻ ടില്ലറി എന്നയാളാണ് അറസ്റ്റിലായത്. കുട്ടികളെ ലൈംഗികമായി ചൂഷണം ചെയ്തതുമായി ബന്ധപ്പെട്ട് ഇയാൾക്കെതിരെ പോലീസ് നിരവധി കുറ്റങ്ങൾ ചുമത്തിയിട്ടുണ്ട്.
ആൽബെർട്ട ലോ എൻഫോഴ്സ്മെൻ്റ് റെസ്പോൺസ് ടീമിൻ്റെ (ALERT) ഇൻ്റർനെറ്റ് ചൈൽഡ് എക്സ്പ്ലോയിറ്റേഷൻ (ICE) യൂണിറ്റാണ് ടില്ലറിയെ പിടികൂടിയത്. ചൈൽഡ് പോൺ നിർമ്മിക്കുകയും വിതരണം ചെയ്യുകയും കൈവശം വെക്കുകയും കാണുകയും ചെയ്ത കുറ്റങ്ങളാണ് ഇയാൾക്കെതിരെ ചുമത്തിയിട്ടുള്ളത്.
ഫുട്ബോൾ ആൽബെർട്ട U18 വനിതാ ടീമിൻ്റെ കൂടാതെ ലെത്ബ്രിഡ്ജ് റാംസ് ജൂനിയർ ഗേൾസ് ഫുട്ബോൾ ടീമിൻ്റെയും കോച്ചാണ് ജസ്റ്റിൻ ടില്ലറി. പ്രായപൂർത്തിയാകാത്ത പെൺകുട്ടികളുടെ ചിത്രങ്ങൾ AI ഉപയോഗിച്ച് ലൈംഗികപരമായ രീതിയിൽ മാറ്റിയെടുത്തതായി ICE യൂണിറ്റ് അറിയിച്ചു.
