ഫ്ലെഷെർട്ടണിൽ നാല് വയസ്സുകാരന് കുളത്തിൽ വീണ് ദാരുണാന്ത്യം

ഒന്റാരിയോ പ്രൊവിൻഷ്യൽ പോലീസ് (OPP) ഫ്ലെഷെർട്ടണിലെ ഒരു കുളത്തിൽ നിന്ന് കാണാതായ നാല് വയസ്സുകാരന്റെ മൃതദേഹം കണ്ടെടുത്തു. ഞായറാഴ്ച വൈകുന്നേരം ഏകദേശം 7 മണിയോടെയാണ് സൗത്ത്ഗേറ്റ് റോഡ് 26-ലെ ഒരു ഫാമിൽ നിന്ന് കുട്ടിയെ കാണാതായതായതായി പ്രോട്ടോൺ സ്റ്റേഷനിൽ വിവരം ലഭിച്ചത്.

കുടുംബത്തോടൊപ്പം കുളത്തിൽ കുളിക്കുന്നതിനിടെയാണ് കുട്ടിയെ കാണാതായത്. തുടർന്ന് നടത്തിയ തിരച്ചിലിനൊടുവിൽ തിങ്കളാഴ്ച രാവിലെയാണ് OPP-യുടെ അണ്ടർവാട്ടർ സെർച്ച് ആൻഡ് റിക്കവറി യൂണിറ്റ് കുട്ടിയുടെ മൃതദേഹം കണ്ടെത്തിയത്.

ഈ തിരച്ചിലിൽ ഓവൻ സൗണ്ട്, ഹാനോവർ, സൗത്ത്ഗേറ്റ് എന്നിവിടങ്ങളിലെ ഫയർ ആൻഡ് എമർജൻസി സർവീസുകളും OPP-യുടെ എമർജൻസി റെസ്‌പോൺസ് ടീമും കനൈൻ യൂണിറ്റും സഹായിച്ചതായി പോലീസ് അറിയിച്ചു.