ദുർമന്ത്രവാദം നടത്തി വളർത്തുനായയെ കൊന്ന് ഫ്ലാറ്റിൽ തൂക്കിയ യുവതി ബംഗലൂരുവിൽ പിടിയിൽ. ബംഗാൾ സ്വദേശിയായ ത്രിപർണ പായകാണ് അറസ്റ്റിലായത്. നാല് ദിവസം മുൻപ് നായയെ കൊന്നെങ്കിലും ശനിയാഴ്ച രാവിലെയാണ് യുവതിയുടെ ഫ്ളാറ്റിൽ നിന്ന് സംഭവം പുറത്തറിയുന്നത്. ഫ്ളാറ്റിൽ നിന്ന് ദുർഗന്ധം പുറത്തേക്ക് വന്നതോടെ അടുത്തുള്ള താമസക്കാരാണ് പരാതിയുമായി രംഗത്തെത്തിയത്. തുടർന്ന് നടത്തിയ പരിശോധനയിലാണ് നായെ കൊന്ന് വാതിലിൽ കെട്ടി തൂക്കിയതായി കണ്ടെത്തിയത്. സംഭവത്തിന് പിന്നാലെ യുവതി പശ്ചിമ ബംഗാളിലേക്ക് കടന്നുകളഞ്ഞിരുന്നു.
പൊലീസ് നടത്തിയ അന്വേഷണത്തിൽ ദുർമന്ത്രവാദത്തിന്റെ വസ്തുക്കൾ കണ്ടെത്തി. ഫ്ളാറ്റ് രണ്ട് നായകൾ കൂടിയുണ്ടായിരുന്നു. ഇവയെ ജനാലയോട് ചേർത്ത് കെട്ടിയ നിലയിലാണ് കണ്ടെത്തിയത്. എല്ലു തോലുമായ അവസ്ഥയിലാണ് ഈ നായകൾ. ദുർമന്ത്രവാദത്തിന്റെ പേരിൽ നായയെ കൊന്ന് കെട്ടി തൂക്കിയതായാണ് പൊലീസ് കരുതുന്നത്. കൂടാതെ യുവതിയ്ക്ക് മാനസിക പ്രശ്നങ്ങളുണ്ടോയെന്ന് പൊലീസ് പരിശോധിക്കുന്നുണ്ട്. യുവതിയെ നിലവിൽ കസ്റ്റഡിയിൽ എടുത്ത് ചോദ്യം ചെയ്ത് വരികയാണ്.
