കാനഡയിലെ എഡ്മണ്ടണിലെ സെന്റ് ജേക്കബ് സിറിയൻ ഓർത്തഡോക്സ് പള്ളിയുടെ നേതൃത്വത്തിൽ കലാ, സാംസ്ക്കാരികാഘോഷം സംഘടിപ്പിക്കുന്നു. ‘ഈ മനോഹര തീരം’ എന്ന് പേരിട്ട പരിപാടി മറ്റന്നാൾ (ജൂൺ 21) പ്ലസന്റ് വ്യൂ കമ്മ്യൂണിറ്റി ലീഗ് ഹാളിൽ നടക്കും. നിത്യഹരിത ഗാനങ്ങൾ കോർത്തിണക്കിയുള്ള മനോഹരമായ സംഗീത വിരുന്നാണ് പരിപാടിയുടെ പ്രധാന ആകർഷണം.21ന് വൈകിട്ട് 4 മുതൽ രാത്രി 8 വരെ 1970, 1980, 1990 കാലഘട്ടങ്ങളിലെ മലയാളം, ഹിന്ദി, തമിഴ് ഭാഷകളിലെ പാട്ടുകളാണ് പരിപാടിയിൽ അവതരിപ്പിക്കുക.
വിവിധതരം നാടൻ ഭക്ഷണവിഭവങ്ങൾ ഉൾപ്പെടുത്തി തത്സമയ പാചകത്തോടെയുള്ള നാടൻ തട്ടുകടയും പരിപാടിയിലുണ്ട്. കുട്ടികൾക്കും മുതിർന്നവർക്കുമായി കായിക മത്സരങ്ങൾ, കുടുംബ വിനോദങ്ങൾ എന്നിവയും നടക്കും. ഓരോ മണിക്കൂറിലും നടക്കുന്ന നറുക്കെടുപ്പുകളും പരിപാടിയിലെ ആകർഷണമാണ്. കൂടാതെ ലക്കി ഡ്രോ വഴിയും രണ്ട് മെഗാ സമ്മാനങ്ങൾ അന്നേദിവസം പ്രഖ്യാപിക്കും. സീറ്റ് റിസർവേഷനോടെയുള്ള ലക്കി ഡ്രോ കൂപ്പണ് 10 ഡോളറും കൂപ്പണ് മാത്രമായി 5 ഡോളറുമാണ് നിരക്ക്. പരിപാടിയെക്കുറിച്ചുള്ള കൂടുതൽ വിവരങ്ങൾക്ക് (780) 884-7337 എന്ന നമ്പറിൽ ബന്ധപ്പെടാം.
🍁ആൽബർട്ട വാർത്തകൾക്കായി : https://chat.whatsapp.com/GYu7ZWtgUWhA72O0LMzaIv
