രാജ്യത്തെ നടുക്കിയ വിമാനദുരന്തമാണ് അഹമ്മദാബാദില് വ്യാഴാഴ്ച ഉണ്ടായത്. വിമാനത്തിലുള്ളവരും വിമാനം തകര്ന്നുവീണ ഹോസ്റ്റലിലുള്ളവരുമായി നൂറുകണക്കിന് പേരാണ് അപകടത്തില് ദാരുണമായി മരിച്ചത്. ദുരന്തത്തിന്റെ കരളലിയിപ്പിക്കുന്ന ദൃശ്യങ്ങള്ക്കിടെ കണ്ണില് ചോരയില്ലാത്ത ക്രൂരതയാണ് അഹമ്മദാബാദില് അരങ്ങേറി.
ഇന്റേൺ ഡോക്ടർമാർക്കുള്ള റെസിഡൻഷ്യൽ ഹോസ്റ്റലിലേക്ക് എയർ ഇന്ത്യ വിമാനം തകർന്നുവീണതിനെത്തുടർന്ന് രക്ഷാപ്രവർത്തനത്തിനിടെ മോഷണം നടന്നതായാണ് വാര്ത്താ ഏജന്സിയായ ഐഎഎന്എസ് റിപ്പോര്ട്ട് ചെയ്യുന്നത്. ഹോസ്റ്റലിലുണ്ടായിരുന്നവരുടെ പണം, ആഭരണങ്ങള്, മൊബൈല് ഫോണുകള് എന്നിവയാണ് മോഷണം പോയത്. സന്നദ്ധപ്രവര്ത്തകരായി നടിച്ചെത്തിയവരാണ് മോഷണം നടത്തിയതെന്നാണ് വിവരം. ഹോസ്റ്റലിലെത്തിയ അധികൃതരാണ് മോഷണം നടന്നതായി കണ്ടെത്തിയത്.
സന്നദ്ധപ്രവർത്തകരെന്ന വ്യാജേന വ്യക്തികൾ മോഷ്ടിച്ചതായാണ് ആരോപിക്കപ്പെടുന്നത്. വ്യാഴാഴ്ച ഉച്ചയ്ക്ക് ഒന്നരയോടെയാണ് രാജ്യത്തെ ഞെട്ടിച്ച വിമാനദുരന്തമുണ്ടായത്. അഹമ്മദാബാദില്നിന്ന് ലണ്ടനിലേക്ക് യാത്ര പുറപ്പെട്ട എയര് ഇന്ത്യയുടെ എഐ 171 ബോയിങ് 787-8 വിമാനമാണ് തകര്ന്നുവീണ് കത്തിയമര്ന്നത്. ഒരാളൊഴികെ വിമാനത്തിലുണ്ടായിരുന്ന മുഴുവന് പേരും മരിച്ചതായാണ് റിപ്പോര്ട്ട്. 242 പേരാണ് വിമാനത്തിലുണ്ടായിരുന്നത്.
റിപ്പോർട്ടുകൾ പ്രകാരം, മെഡിക്കൽ ഇന്റേണുകളും അവരുടെ കുടുംബങ്ങളും ഉൾപ്പെടെ 50-ലധികം പേർ ഹോസ്റ്റലിൽ താമസിച്ചിരുന്നു. പലരും ഹോസ്റ്റലിനുള്ളിൽ കുടുങ്ങി, മറ്റുള്ളവർ രക്ഷപ്പെടാനുള്ള തീവ്രശ്രമത്തിൽ മുകളിലത്തെ നിലയിൽ നിന്നെടുത്ത് ചാടി. അതേസമയം വിമാനത്തിന്റെ ബ്ലാക്ക് ബോക്സ് എയർപോർട്ട് അതോറിറ്റി കണ്ടെടുത്തു, ഇത് ഫ്ലൈറ്റ് ഡാറ്റയും കോക്ക്പിറ്റ് ആശയവിനിമയവും രേഖപ്പെടുത്തുന്ന നിർണായക ഘടകമാണ്, ഇത് അപകടത്തിലേക്ക് നയിച്ച സംഭവങ്ങളുടെ കൃത്യമായ വിവരങ്ങൾ ശേഖരിക്കാൻ സഹായിക്കും.
