വെസ്റ്റേൺ കാനഡയിലെ പ്രീമിയർമാർ ബുധനാഴ്ച മുതൽ രണ്ടു ദിവസത്തെ വാർഷിക സമ്മേളനത്തിനായി യെല്ലോനൈഫിൽ ഒത്തുചേരുന്നു. ആൽബർട്ട, ബ്രിട്ടീഷ് കൊളംബിയ, സസ്കാച്ചെവാൻ, മാനിറ്റോബ, യൂക്കോൺ, നോർത്ത്വെസ്റ്റ് ടെറിട്ടറീസ്, നുനാവുത് എന്നിവിടങ്ങളിൽ നിന്നുള്ള നേതാക്കൾ പങ്കെടുക്കുന്ന ഈ സമ്മേളനത്തിൽ ആർട്ടിക് സുരക്ഷ, ഊർജ്ജ സുരക്ഷ, വ്യാപാരം, അടിയന്തിര സാഹചര്യങ്ങളിലെ തയ്യാറെടുപ്പ്, പാർപ്പിട പ്രശ്നങ്ങൾ, സാമ്പത്തിക ഇടനാഴികൾ, നികുതികൾ തുടങ്ങിയ പ്രധാന വിഷയങ്ങൾ ചർച്ച ചെയ്യപ്പെടും.
നോർത്ത്വസ്റ്റ് ടെറിട്ടറീസ് പ്രീമിയർ ആർ.ജെ. സിംപ്സൺ ആർട്ടിക് സുരക്ഷയും അതുമായി ബന്ധപ്പെട്ട വെല്ലുവിളികളും മുഖ്യ വിഷയമായി ചർച്ച ചെയ്യുമെന്ന് പറഞ്ഞു.സസ്കാച്ചെവാൻ പ്രീമിയർ സ്കോട്ട് മോ ഫെഡറൽ ക്രിമിനൽ നിയമങ്ങൾ ശക്തമാക്കാനും കാർബൺ നികുതിയിൽ പ്രവിശ്യകൾക്ക് കൂടുതൽ നിയന്ത്രണം നൽകാനുമുള്ള ആവശ്യങ്ങൾ ഉയർത്തും.നുനാവുത് പ്രീമിയർ പി.ജെ. അകീഗോക് സുരക്ഷ, പരമാധികാരം, വിഭവ വികസനം എന്നിവയെ കുറിച്ചുള്ള ആർട്ടിക് അടിസ്ഥാന സൗകര്യങ്ങളിൽ ശ്രദ്ധ കേന്ദ്രീകരിക്കുമെന്നും അറിയിച്ചു.
ഈ സമ്മേളനം വരാനിരിക്കുന്ന ആഴ്ചകളിൽ സസ്കറ്റൂണിൽ പ്രധാനമന്ത്രിയുമായുള്ള രാജ്യവ്യാപക പ്രീമിയർമാരുടെ സമ്മേളനത്തിന് മുന്നോടിയായാണ് നടക്കുന്നത്. ഈ സമ്മേളനങ്ങൾ പടിഞ്ഞാറൻ കാനഡയിലെ പ്രവിശ്യകളും ടെറിട്ടറികളും നേരിടുന്ന പ്രധാന വെല്ലുവിളികൾ പരിഹരിക്കുന്നതിനും, പരസ്പരം സഹകരിക്കുന്നതിനും, ഫെഡറൽ സർക്കാരുമായി സംസാരിക്കുന്നതിനുമുള്ള ഒരു പ്രധാന വേദിയാണ്. പ്രാദേശിക പ്രശ്നങ്ങൾക്ക് പുറമേ, ആഗോള ഭൂരാഷ്ട്രീയ പരിണാമങ്ങളുടെ പശ്ചാത്തലത്തിൽ കാനഡയുടെ ആർട്ടിക് സുരക്ഷയും ഊർജ്ജ സുരക്ഷയും കൈകാര്യം ചെയ്യുന്നതിനുള്ള സമീപനങ്ങളും ഇവിടെ ചർച്ച ചെയ്യപ്പെടുമെന്ന് പ്രതീക്ഷിക്കുന്നു.
