20 വർഷത്തോളം കാർലറ്റൺ മണ്ഡലത്തെ പ്രതിനിധീകരിച്ച ശേഷം, കൺസർവേറ്റീവ് നേതാവ് പിയറി പൊയിലിവ്രെ 2025 ഏപ്രിൽ 28-ലെ ഫെഡറൽ തിരഞ്ഞെടുപ്പിൽ ലിബറൽ പാർട്ടിയുടെ ബ്രൂസ് ഫാൻജോയിയോട് 4,513 വോട്ടുകൾക്ക് പരാജയപ്പെട്ടു. പൊയിലിവ്രെ സ്വയം തോൽവി സമ്മതിക്കുകയും കൺസർവേറ്റീവ് പാർട്ടി ഫലങ്ങൾ അംഗീകരിക്കുകയും ചെയ്തിട്ടും, സോഷ്യൽ മീഡിയയിൽ തിരഞ്ഞെടുപ്പ് തട്ടിപ്പിനെക്കുറിച്ചുള്ള അടിസ്ഥാനരഹിതമായ ആരോപണങ്ങൾ വ്യാപകമായി പ്രചരിക്കുന്നു.
കാർലറ്റൺ മണ്ഡലത്തിൽ വോട്ടർ പങ്കാളിത്തം യഥാർത്ഥത്തിൽ 81% മാത്രമാണ്,
ശരാശരിയേക്കാൾ കൂടുതലായെങ്കിലും, അതു സമീപ പ്രദേശങ്ങളിലെ നിരക്കുകൾക്കൊപ്പമാണ്. അതുപോലെ,അതിർത്തി പുനർനിർണയം രാഷ്ട്രീയ ഇടപെടലിന്റെ ഫലമല്ല, ഈ അതിർത്തികൾ 2023-ൽ സെൻസസ് ഡാറ്റയെ അടിസ്ഥാനമാക്കി ഒരു സ്വതന്ത്ര കമ്മീഷനാണ് പത്തു വർഷത്തിലൊരിക്കൽ നടക്കുന്ന സ്റ്റാൻഡേർഡ് പ്രക്രിയയുടെ ഭാഗമായി പുനർനിർണയിച്ചത്.
“ഇന്നത്തെ സോഷ്യൽ മീഡിയ സാഹചര്യത്തിൽ, അടിസ്ഥാനരഹിതമായ ആരോപണങ്ങൾ തെളിവുകളെക്കാൾ വേഗത്തിൽ പ്രചരിക്കുന്നു,പൊയിലിവ്രെറിന്റെ പരാജയം കാണിക്കുന്നത് കാർലറ്റണിലെ ജനസംഖ്യാ മാറ്റങ്ങളും വോട്ടിംഗ് രീതികളുടെ പരിണാമവുമാണ്, തട്ടിപ്പല്ല.”എന്ന് തിരഞ്ഞെടുപ്പ് വിശകലന വിദഗ്ധനായ പ്രൊഫസർ മാർക്ക് ഹെൻഡേഴ്സൺ പറഞ്ഞു.
ഇലക്ഷൻസ് കാനഡ സുതാര്യവും കൃത്യവുമായ വോട്ടെണ്ണൽ നടപടിക്രമങ്ങൾ പാലിച്ചിട്ടുണ്ട്. വിദഗ്ധർ പൊയിലിവ്രെറിന്റെ പരാജയത്തിന് കാരണമായി ചൂണ്ടിക്കാണിക്കുന്നത് ജനസംഖ്യാ മാറ്റങ്ങൾ, അതിർത്തി ക്രമീകരണങ്ങൾ, വോട്ടർ പങ്കാളിത്ത മാതൃകകളിലെ മാറ്റങ്ങൾ എന്നിവയുടെ സമ്മിശ്രമാണ്. തിരഞ്ഞെടുപ്പ് ഫലങ്ങളെ ചുറ്റിപ്പറ്റിയുള്ള തെറ്റായ വിവരങ്ങളുടെ നിരന്തര പ്രചാരണത്തിന് സോഷ്യൽ മീഡിയയിലെ ധ്രുവീകരണം പ്രധാന കാരണമാണെന്നും അവർ ചൂണ്ടിക്കാണിക്കുന്നു.
