അമേരിക്കൻ പ്രസിഡന്റ് ഡൊണാൾഡ് ട്രംപ് ‘ഭൂചലനാത്മകവും രാജ്യത്തിന് ഗുണകരവുമായ’ ഒരു പ്രഖ്യാപനം അടുത്ത ദിവസങ്ങളിൽ നടത്തുമെന്ന് അറിയിച്ചിരിക്കുന്നു. കനേഡിയൻ പ്രധാനമന്ത്രി മാർക്ക് കാർണിയുമായുള്ള ഔദ്യോഗിക കൂടിക്കാഴ്ചയിൽ വൈറ്റ് ഹൗസിലെ ഓവൽ ഓഫിസിൽ നിന്നാണ് ട്രംപ് ഈ കാര്യം സൂചിപ്പിച്ചത്. “വ്യാപാരവുമായി ബന്ധപ്പെട്ടതല്ല, മറിച്ച് രാജ്യത്തിനും ജനങ്ങൾക്കും ഗുണകരമായ ഒരു വികസനം സംഭവിക്കാൻ പോകുന്നു,” എന്നാണ് അദ്ദേഹം പറഞ്ഞത്.
ട്രംപിന്റെ ഈ ആകസ്മിക പ്രസ്താവന സോഷ്യൽ മീഡിയ പ്ലാറ്റ്ഫോമുകളിൽ വ്യാപക ചർച്ചകൾക്ക് വഴിവെച്ചിരിക്കുകയാണ്. “അന്യഗ്രഹജീവികളുമായി ബന്ധപ്പെട്ട വെളിപ്പെടുത്തലാണോ?, “ഇറാന്റെ ആണവ പദ്ധതി അവസാനിപ്പിക്കാനുള്ള കരാറാണോ?, “ജോ ബൈഡൻ അറസ്റ്റിലാകുമോ?” എന്നിങ്ങനെ നിരവധി അഭ്യൂഹങ്ങൾ ഇന്റർനെറ്റിൽ പ്രചരിക്കുന്നുണ്ട്. ചില ഇന്റർനെറ്റ് ഉപയോക്താക്കൾ പുതിയ ക്രിപ്റ്റോകറൻസി അവതരിപ്പിക്കുന്നതിനെക്കുറിച്ചും അഭിപ്രായം രേഖപ്പെടുത്തിയിട്ടുണ്ട്.
ട്രംപിന്റെ സമീപകാല മിഡിൽ ഈസ്റ്റ് സന്ദർശനവുമായി ഈ പ്രഖ്യാപനത്തിന് ബന്ധമുണ്ടാകാമെന്ന് മാധ്യമങ്ങൾ റിപ്പോർട്ട് ചെയ്യുന്നു. സൗദി അറേബ്യ, യു.എ.ഇ, ഖത്തർ എന്നീ രാജ്യങ്ങളിലെ സന്ദർശനങ്ങൾക്ക് ശേഷമാണ് ഈ സൂചന നൽകിയത്. അതേസമയം, പേർഷ്യൻ ഗൾഫിനെ ‘അറേബ്യൻ ഗൾഫ്’ എന്നോ ‘ഗൾഫ് ഓഫ് അറേബ്യ’ എന്നോ പുനർനാമകരണം ചെയ്യുന്നതിനെക്കുറിച്ചുള്ള ചർച്ചകളും അമേരിക്കൻ മാധ്യമങ്ങളിൽ നടക്കുന്നുണ്ട്. പ്രഖ്യാപനത്തിന്റെ യഥാർത്ഥ സ്വഭാവം വെളിപ്പെടുത്താത്തതിനാൽ അമേരിക്കയും ലോകവുംഉത്സാഹത്തോടെയും ആകാംക്ഷയോടെയും കാത്തിരിക്കുകയാണ്.
