80 സ്റ്റാഫ് സ്ഥാനങ്ങൾ വെട്ടിക്കുറയ്ക്കുന്നു
ബ്രിട്ടീഷ് കൊളംബിയ: കാംലൂപ്സ്, ബി.സി.യിലെ സ്കൂൾ ഡിസ്ട്രിക്ട് 73, 2025–26 അധ്യയന വർഷത്തിൽ 5.79 മില്യൺ ഡോളറിന്റെ ബജറ്റ് കുറവ് പരിഹരിക്കുന്നതിനായി 80 ഫുൾ-ടൈം-ഇക്വിവലന്റ് സ്റ്റാഫ് സ്ഥാനങ്ങൾ വെട്ടിക്കുറയ്ക്കുന്നു എന്ന് പ്രഖ്യാപിച്ചു. കാംലൂപ്സിലും ചുറ്റുമുള്ള പ്രദേശങ്ങളിലുമായി ഏകദേശം 16,600 വിദ്യാർത്ഥികൾക്ക് സേവനം നൽകുന്ന ഡിസ്ട്രിക്ട്, കഴിഞ്ഞ ആഴ്ച അതിന്റെ പ്രാഥമിക ബജറ്റ് അവതരിപ്പിച്ചു.
സൂപ്രണ്ട് റോണ്ട നിക്സൺ പറയുന്നത്, പണപ്പെരുപ്പവും വിദ്യാർത്ഥികളുടെ എൻറോൾമെന്റ് മാറ്റമില്ലാതെ തുടരുന്നതാണ് കാരണം എന്ന് നിക്സൺ
പറഞ്ഞു. ക്ലാസ് മുറികളിലെ പഠനത്തിലുണ്ടാകുന്ന ആഘാതം കുറയ്ക്കുക എന്ന ലക്ഷ്യത്തോടെ, വിദ്യാർത്ഥികളുമായി നേരിട്ട് ഇടപഴകാത്ത ജീവനക്കാരെയായിരിക്കും വെട്ടിക്കുറവ് പ്രധാനമായും ബാധിക്കുക.
ഏപ്രിൽ 28-ന് നിശ്ചയിച്ചിരിക്കുന്ന ബോർഡ് യോഗത്തിലാണ് ബജറ്റിനെക്കുറിച്ചുള്ള അന്തിമ തീരുമാനം എടുക്കുക. അതുവരെ, വിദ്യാർത്ഥികൾക്ക് ഗുണമേന്മയുള്ള വിദ്യാഭ്യാസം നിലനിർത്തുന്നതിനൊപ്പം സാമ്പത്തിക വെല്ലുവിളികൾ എങ്ങനെ മികച്ച രീതിയിൽ കൈകാര്യം ചെയ്യാമെന്നതിനെക്കുറിച്ചുള്ള ചർച്ചകൾ ഉണ്ടായിരിക്കും.
ജീവനക്കാരുടെ കുറവുകൾ അധ്യാപകരെയും വിദ്യാഭ്യാസ സഹായികളെയും ബാധിക്കില്ലെന്നും എന്നാൽ കൗൺസിലർമാരെയും പഠന സഹായ റിസോഴ്സ് അധ്യാപകരെയും ബാധിക്കുമെന്നും നിക്സൺ പറഞ്ഞു.
