അബുദാബി: ബിഗ് ടിക്കറ്റ് സീരീസ് 277-ലെ ഏറ്റവും പുതിയ നറുക്കെടുപ്പിൽ ആറ് വിജയികൾക്ക് 50,000 ദിർഹം വീതം സമ്മാനം ലഭിച്ചു. 300,000 ദിർഹമാണ് ഇവർ പങ്കിട്ടെടുത്തത്. ഇന്ത്യ, യു.എ.ഇ., കുവൈത്ത് എന്നീ രാജ്യങ്ങളിൽ നിന്നുള്ളവരാണ് ഈ ഭാഗ്യശാലികൾ. ഷാർജയിൽ താമസിക്കുന്ന മലയാളി സക്കീർ ഹുസൈനും വിജയികളിൽ ഒരാളാണ്. പത്ത് വർഷമായി ബിഗ് ടിക്കറ്റ് എടുക്കുന്ന സക്കീർ ഹുസൈൻ 2016-ൽ സുഹൃത്തുക്കൾ വഴിയാണ് ഇതിനെക്കുറിച്ച് അറിയുന്നത്. ചിലപ്പോൾ ഒറ്റയ്ക്കും മറ്റു ചിലപ്പോൾ സുഹൃത്തുക്കൾക്കൊപ്പവും ടിക്കറ്റെടുക്കുന്നതാണ് ഇദ്ദേഹത്തിന്റെ പതിവ്.
ജൂലൈ 25-ന് ടിക്കറ്റെടുത്തതിന് ശേഷം നറുക്കെടുപ്പ് നടന്നപ്പോൾ സക്കീർ നാട്ടിലായിരുന്നു. സമ്മാനം ലഭിച്ച വിവരം ഒരു സുഹൃത്ത് സ്ക്രീൻഷോട്ട് അയച്ചുനൽകിയപ്പോഴാണ് അറിയുന്നത്. സമ്മാനത്തുക സുഹൃത്തുക്കളുമായി പങ്കുവെക്കാനാണ് ഈ 53-കാരനായ ചീഫ് അക്കൗണ്ടന്റ് മാനേജരുടെ തീരുമാനം. ഇനിയും ബിഗ് ടിക്കറ്റ് എടുക്കുന്നത് തുടരുമെന്നും അദ്ദേഹം പറഞ്ഞു.
യു.എ.ഇ. വിദ്യാഭ്യാസ വകുപ്പിൽ ജോലി ചെയ്യുന്ന എമിറാത്തി വനിതയായ മോസ അൽമൻസൂരി, ഇന്ത്യൻ പൗരനായ ബിക്രം സാഹു എന്നിവരും വിജയികളിൽ ഉൾപ്പെടുന്നു. സാധാരണയായി ആറ് ടിക്കറ്റുകൾ ഒരുമിച്ച് എടുക്കുന്ന മോസ, വലിയൊരു സമ്മാനം നേടുക എന്ന തന്റെ ആഗ്രഹം സഫലമായതിൽ സന്തോഷം പങ്കുവെച്ചു. എട്ടു വർഷമായി സ്ഥിരമായി ടിക്കറ്റെടുക്കുന്ന ബിക്രം സാഹു, വെബ്സൈറ്റ് വഴി സമ്മാനം നേടിയ വിവരം അറിഞ്ഞപ്പോൾ വിശ്വസിക്കാനായില്ലെന്ന് പറഞ്ഞു. സുഹൃത്തുക്കൾക്കൊപ്പം എല്ലാ മാസവും ടിക്കറ്റെടുക്കുന്ന ശീലം ഇദ്ദേഹത്തിനുമുണ്ട്.
കബീർ, ആന്റണി അശോക്, നിക്കോളാസ് പോൾ എന്നിവരാണ് മറ്റ് വിജയികൾ. 15 വർഷത്തെ കാത്തിരിപ്പിനൊടുവിലാണ് 50 വയസ്സുകാരനായ ആന്റണി അശോക് സമ്മാനം നേടിയത്. 40 സുഹൃത്തുക്കൾക്കൊപ്പമാണ് ഇദ്ദേഹം ടിക്കറ്റെടുത്തത്.
അതേസമയം, ഓഗസ്റ്റ് മാസത്തെ ബിഗ് ടിക്കറ്റ് നറുക്കെടുപ്പിൽ 15 മില്യൺ ദിർഹമാണ് ഗ്രാൻഡ് പ്രൈസ്. സെപ്റ്റംബർ 3-ന് നടക്കുന്ന നറുക്കെടുപ്പിലൂടെ വിജയിയെ പ്രഖ്യാപിക്കും. കൂടാതെ, 100,000 ദിർഹം വീതം ആറ് പേർക്ക് സമാശ്വാസ സമ്മാനമായി ലഭിക്കും. ബിഗ് വിൻ കോൺടെസ്റ്റിലൂടെ ഗ്യാരണ്ടീഡ് ക്യാഷ് പ്രൈസുകളും നേടാം.
ഈ മാസം ടിക്കറ്റെടുക്കുന്നവരിൽ നിന്ന് തിരഞ്ഞെടുക്കപ്പെടുന്ന നാല് പേർക്ക് സെപ്റ്റംബർ 3-ലെ തത്സമയ നറുക്കെടുപ്പിൽ പങ്കെടുക്കാം. അവർക്ക് 50,000 ദിർഹം മുതൽ 150,000 ദിർഹം വരെ സമ്മാനം ലഭിക്കാൻ സാധ്യതയുണ്ട്. ഡ്രീം കാർ ടിക്കറ്റിലൂടെ ബിഎംഡബ്ല്യു എം440ഐ കാർ സ്വന്തമാക്കാനും അവസരമുണ്ട്. ടിക്കറ്റുകൾ ബിഗ് ടിക്കറ്റിന്റെ വെബ്സൈറ്റ്, അബുദാബിയിലെ സായിദ് അന്താരാഷ്ട്ര വിമാനത്താവളം, അൽ ഐൻ വിമാനത്താവളം എന്നിവിടങ്ങളിലെ കൗണ്ടറുകൾ വഴി വാങ്ങാം.
