കൊടുങ്ങല്ലൂർ: കൊടുങ്ങല്ലൂർ നഗരത്തിലെ ഒരു ഫ്ലാറ്റിൽ ഫ്രിജിനുള്ളിൽ ബോക്സിലാക്കി സൂക്ഷിച്ച നിലയിൽ മൂന്ന് മാസം പ്രായമുള്ള ഭ്രൂണം കണ്ടെത്തി. രഹസ്യവിവരത്തെത്തുടർന്ന് പോലീസ് നടത്തിയ പരിശോധനയിലാണ് ഈ ഞെട്ടിക്കുന്ന വിവരം പുറത്തുവന്നത്. സംഭവവുമായി ബന്ധപ്പെട്ട് ഫ്ലാറ്റിൽ താമസിക്കുന്ന ദമ്പതികളെ പോലീസ് ചോദ്യം ചെയ്തു വരികയാണ്.
ഒരു വർഷം മുൻപ് വിവാഹിതരായ ഇവർ മൂന്ന് മാസം മുൻപാണ് ഈ ഫ്ലാറ്റിൽ താമസമാക്കിയത്. കഴിഞ്ഞ വെള്ളിയാഴ്ച രാത്രി പെട്ടെന്നുണ്ടായ വയറുവേദനയെത്തുടർന്ന് ശുചിമുറിയിൽ വെച്ച് ഭ്രൂണം അലസിപ്പോവുകയായിരുന്നു എന്നാണ് ദമ്പതികൾ പോലീസിന് നൽകിയ മൊഴി. നഴ്സിങ് പഠിച്ചിട്ടുള്ളതാൻ ഭ്രൂണം സ്വയം വേർപ്പെടുത്തി. ഇത് നശിപ്പിച്ചു കളയാൻ തോന്നിയ മാനസികമായ ബുദ്ധിമുട്ട് കാരണമാണ് ബോക്സിലാക്കി ഫ്രിജിൽ സൂക്ഷിച്ചതെന്ന് യുവതി പറഞ്ഞു. സംഭവത്തിൽ പോലീസ് കൂടുതൽ അന്വേഷണം നടത്തി വരികയാണ്.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
3-month-old fetus was discovered in a refrigerator
