ഒന്റാറിയോയിലെ മിൽട്ടണിൽ നിന്ന് കാണാതായ 15 വയസ്സുള്ള വിദ്യാർത്ഥി പ്രജിൻ അൻബാനന്ദനെ കണ്ടെത്താനുള്ള തിരച്ചിൽ തുടരുകയാണ്. കണ്ടെത്തുവാനായി ഹാൾട്ടൺ റീജിയണൽ പോലീസ് പൊതുജനങ്ങളുടെ സഹായം തേടിയിട്ടുണ്ട്. ജൂൺ 8-ാം തീയതി വൈകുന്നേരം 9 മണിയോടെയാണ് പ്രജിനെ ഗിഫോർഡ് ക്രസന്റും ഫിൽബ്രൂക്ക് ഡ്രൈവ് പ്രദേശത്ത് അവസാനമായി കണ്ടത്. ഏകദേശം 5 അടി 4 ഇഞ്ച് പൊക്കവും മെലിഞ്ഞ ശരീരഘടനയുമുള്ള പ്രജിന് ബ്രൗൺ നിറമുള്ള ചർമ്മവും കറുപ്പ് മുടിയുമാണുള്ളത്. അവസാനമായി ആളുകൾ പ്രജിനെ കണ്ടപ്പോൾ കറുപ്പ് കാർഗോ പാന്റും കറുപ്പ് ജാക്കറ്റുമാണ് ധരിച്ചിരുന്നത് എന്ന് റിപോർട്ടുകൾ സൂച്ചിപ്പിക്കുന്നു.
പോലീസ് റിപ്പോർട്ട് അനുസരിച്ച്, ജൂൺ 9 പുലർച്ചে 1 മണിയോടെ ഗുവൽഫ് ലൈൻ, ഹൈവേ 401 ന് സമീപം പ്രജിനെ കണ്ടതായി റിപ്പോർട്ടുകളുണ്ട്. നീലയും കറുപ്പും നിറമുള്ള സൈക്കിളിൽ പ്രജിൻ ഗുവൽഫിലേക്ക് പോകുന്നുണ്ടാകാമെന്ന് പോലീസ് പറഞ്ഞു. പോലീസ് പ്രജിനെ അധിക സംരക്ഷണം ആവശ്യമായ ഒരാളായി രേഖപ്പെടുത്തിയിട്ടുണ്ട്, ഇത് അവന്റെ സുരക്ഷയെ കുറിച്ച് ഗുരുതരമായ ആശങ്കകൾ ഉണ്ട്.
ഈ കേസിൽ പൊതു ജനങ്ങളുടെ സഹകരണം അത്യന്താപേക്ഷിതമാണ്.
നീലയും കറുപ്പുമായ സൈക്കിൾ ഓടിക്കുന്ന, പ്രജിന്റെ വിവരണവുമായി യോജിക്കുന്ന ആരെയെങ്കിലും കാണുകയാണെങ്കിൽ ഉടൻ തന്നെ ഹാൾട്ടൺ പോലീസിനെ 905-825-4777 എന്ന നമ്പറിൽ ബന്ധപ്പെടണം.
കാണാതായ കൗമാരക്കാരുടെ കേസുകളിൽ ആദ്യത്തെ 48 മണിക്കൂറുകൾ നിർണ്ണായകമാണെന്ന് വിദഗ്ധർ ചൂണ്ടിക്കാട്ടുന്നു.
സമൂഹമാധ്യമങ്ങളിലൂടെ ഈ വിവരം പ്രചരിപ്പിക്കാനും പോലീസ് ആവശ്യപ്പെട്ടിട്ടുണ്ട്. പ്രജിന്റെ തിരിച്ചുവരവിനായി കുടുംബവും സുഹൃത്തുക്കളും കാത്തിരിക്കുകയാണ്. ഏതെങ്കിലും വിവരം കിട്ടുന്നവർ ഉടൻ തന്നെ പോലീസുമായി ബന്ധപ്പെടണമെന്ന് അധികൃതർ പ്രത്യേകം അഭ്യർത്ഥിക്കുന്നു.
