കൊളംബിയ: വെനസ്വേല അതിർത്തിക്ക് സമീപം കൊളംബിയയിൽ പാസഞ്ചർ വിമാനം തകർന്നുവീണ് 15 പേർ കൊല്ലപ്പെട്ടു. സറ്റീന എയർലൈൻസിന്റെ എച്ച് കെ 4709 (HK 4709) വിമാനമാണ് ഒക്കാന വിമാനത്താവളത്തിന് സമീപമുള്ള ദുർഘടമായ പർവതമേഖലയിൽ തകർന്നുവീണത്. വിമാനത്തിലുണ്ടായിരുന്ന 13 യാത്രക്കാരും രണ്ട് ക്രൂ അംഗങ്ങളും അപകടത്തിൽ മരിച്ചതായി പ്രാദേശിക മാധ്യമങ്ങൾ റിപ്പോർട്ട് ചെയ്തു. കൊളംബിയൻ ചേംബർ ഓഫ് ഡെപ്യൂട്ടി അംഗവും നിയമസഭാ സ്ഥാനാർത്ഥിയും ഉൾപ്പെടെയുള്ള പ്രമുഖർ വിമാനത്തിലുണ്ടായിരുന്നുവെന്നാണ് വിവരം.
ബുധനാഴ്ച രാവിലെ 11:42-ന് കുക്കുട്ടയിൽ നിന്ന് പറന്നുയർന്ന വിമാനം 11:54-ഓടെ റഡാറിൽ നിന്ന് അപ്രത്യക്ഷമാവുകയായിരുന്നു. വിമാനത്താവളത്തിൽ ഇറങ്ങുന്നതിന് തൊട്ടുമുമ്പാണ് അപകടമുണ്ടായത്. വിമാനത്തിന്റെ അവശിഷ്ടങ്ങൾ കണ്ടെത്തിയതായും ആരും രക്ഷപ്പെട്ടിട്ടില്ലെന്നും അധികൃതർ സ്ഥിരീകരിച്ചു. അപകടത്തിന്റെ കൃത്യമായ കാരണം ഇതുവരെ വ്യക്തമായിട്ടില്ല. അധികൃതർ അന്വേഷണം ആരംഭിച്ചിട്ടുണ്ട്.
ദുർഘടമായ ഭൂപ്രകൃതിയും മോശം കാലാവസ്ഥയും രക്ഷാപ്രവർത്തനത്തിന് വെല്ലുവിളിയായതായി റിപ്പോർട്ടുകൾ സൂചിപ്പിക്കുന്നു. കൊളംബിയൻ വ്യോമയാന വിഭാഗം അപകടസ്ഥലത്ത് വിശദമായ പരിശോധന നടത്തിവരികയാണ്. മരണപ്പെട്ടവരുടെ മൃതദേഹങ്ങൾ പുറത്തെടുക്കാനുള്ള നടപടികൾ പുരോഗമിക്കുന്നു.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/JNSnrvnSqw1DUJljLTLp82
15 dead in plane crash in Colombia; Report says lawmakers and candidate among dead
