ഷെർവുഡ് പാർക്കിലുള്ള ഒരു കത്തോലിക്കാ ഹൈസ്കൂളിൽ കഴിഞ്ഞ ദിവസം ഉച്ചതിരിഞ്ഞ് തോക്കുമായി ബന്ധപ്പെട്ട് പോലീസിന് ഒരു പരാതി ലഭിച്ചതിനെത്തുടർന്നാണ് 14 വയസ്സുള്ള ഒരു ആൺകുട്ടിയെ പോലീസ് കസ്റ്റഡിയിലെടുത്തു. ആർച്ച് ബിഷപ്പ് ജോർദാൻ കത്തോലിക്കാ ഹൈസ്കൂളിൽ തോക്കുമായി ഒരാൾ എത്തിയതായി ഉച്ചയ്ക്ക് 1:50-ഓടെയാണ് തങ്ങൾക്ക് വിവരം ലഭിച്ചതെന്ന് ആർസിഎംപി വക്താവ് കോർപ്പറൽ ട്രോയ് സവിൻകോഫ് പറഞ്ഞു. വിവരം ലഭിച്ച ഉടൻ തന്നെ ലഭ്യമായ എല്ലാ ഉദ്യോഗസ്ഥരും സ്കൂളിലെത്തി. സ്കൂൾ ഉടനടി അടച്ചിടുകയും ചെയ്തു.
അന്വേഷണത്തിൽ, പോലീസ് ആൺകുട്ടിയെ വേഗത്തിൽ കണ്ടെത്തുകയും കസ്റ്റഡിയിലെടുക്കുകയും ചെയ്തു. എന്നാൽ കുട്ടിയുടെ പക്കൽ ഉണ്ടായിരുന്ന തോക്ക് യഥാർത്ഥത്തിൽ പ്രവർത്തിക്കുന്ന ഒന്നല്ല എന്നാണ് പ്രാഥമിക അന്വേഷണത്തിൽ മനസ്സിലാക്കാൻ കഴിഞ്ഞതെന്ന് സവിൻകോഫ് വ്യക്തമാക്കി. അതുകൊണ്ടുതന്നെ, സ്കൂളിന് ഇനി കൂടുതൽ ഭീഷണിയൊന്നുമില്ലെന്നും പോലീസ് അറിയിച്ചു. ഈ സംഭവത്തെക്കുറിച്ച് കൂടുതൽ വിവരങ്ങൾ പിന്നീട് പുറത്തുവിടുമെന്ന് പോലീസ് അറിയിച്ചു.
കൂടാതെ, തമാശയ്ക്ക് ചെയ്യുന്ന കാര്യങ്ങൾ പോലും ചിലപ്പോൾ വലിയ കുറ്റകൃത്യമായി മാറാമെന്നും അവർ മുന്നറിയിപ്പ് നൽകി. ഒരു യഥാർത്ഥ തോക്കോ അതിന്റെ രൂപത്തിലുള്ളതോ ആയ ഒരു വസ്തു സ്കൂളിൽ കൊണ്ടു വരുന്നത് ഒട്ടും ഉചിതമായ കാര്യമല്ലെന്ന് സവിൻകോഫ് കൂട്ടിച്ചേർത്തു. ഇത്തരം സാഹചര്യങ്ങൾ ആളുകളിൽ ഭയം സൃഷ്ടിക്കുമെന്നും അത് പോലീസിന്റെ വലിയ ഇടപെടലുകളിലേക്ക് നയിച്ചേക്കാമെന്നും അദ്ദേഹം പറഞ്ഞു.
14-year-old student in custody after gun goes off at school in Alberta
കാനഡ വാർത്തകൾ മലയാളത്തിൽ ലഭിക്കുവാൻ താഴെയുള്ള ലിങ്ക് വഴി Canada Talks വാട്സ്ആപ്പ് ഗ്രൂപ്പിൽ അംഗമാകൂ : https://chat.whatsapp.com/JNSnrvnSqw1DUJljLTLp82
