ഒട്ടാവ: കാനഡയുടെ കുടിയേറ്റ നയങ്ങളിൽ 2026-ഓടെ വലിയ മാറ്റങ്ങൾ വരുമെന്ന് റിപ്പോർട്ട്. കുടിയേറ്റക്കാരുടെ എണ്ണം നിയന്ത്രിക്കാനും കൂടുതൽ വ്യക്തമായ മാനദണ്ഡങ്ങൾ ഏർപ്പെടുത്താനുമാണ് സർക്കാർ ലക്ഷ്യമിടുന്നത്. 2026-ൽ പ്രാബല്യത്തിൽ വരുന്ന പത്ത് പ്രധാന മാറ്റങ്ങൾ ഇവയാണ്:
കുടിയേറ്റ അപേക്ഷകൾ റദ്ദാക്കാൻ സർക്കാരിന് അധികാരം (Bill C-12): പുതിയ ബിൽ സി-12 പ്രകാരം, നിലവിൽ പ്രോസസ്സിംഗിലുള്ള അപേക്ഷകൾ പോലും താൽക്കാലികമായി നിർത്താനോ റദ്ദാക്കാനോ ഇമിഗ്രേഷൻ വിഭാഗത്തിന് അധികാരം ലഭിക്കും. അപേക്ഷകരുടെ എണ്ണം നിയന്ത്രിക്കുകയാണ് ഇതിലൂടെ ലക്ഷ്യമിടുന്നത്.
ഡോക്ടർമാർക്കായി പുതിയ എക്സ്പ്രസ് എൻട്രി കാറ്റഗറി: കാനഡയിലെ ആരോഗ്യമേഖലയിലെ ക്ഷാമം പരിഹരിക്കാനായി ഡോക്ടർമാർക്കായി പ്രത്യേകം എക്സ്പ്രസ് എൻട്രി നറുക്കെടുപ്പുകൾ 2026 ആദ്യം ആരംഭിക്കും. കാനഡയിൽ ഒരു വർഷത്തെ പ്രവൃത്തിപരിചയമുള്ള ഡോക്ടർമാർക്കാണ് ഇതിൽ മുൻഗണന.
പൗരത്വ നിയമത്തിലെ മാറ്റം (Bill C-3): വിദേശത്ത് ജനിച്ച കാനഡക്കാരുടെ മക്കൾക്ക് പൗരത്വം നൽകുന്നതിലെ തടസ്സങ്ങൾ നീക്കുന്ന നിയമം 2026-ൽ കൂടുതൽ ഫലപ്രദമാകും. 1,095 ദിവസത്തെ കാനഡ റെസിഡൻസി നിബന്ധന ഇതിൽ പ്രധാനമാണ്.
പുതിയ TR to PR പാത: കാനഡയിൽ നിലവിൽ താൽക്കാലിക വിസയിൽ ജോലി ചെയ്യുന്ന 33,000 പേർക്ക് സ്ഥിരതാമസം (PR) നൽകുന്നതിനായി 2026-27 കാലയളവിൽ പ്രത്യേക പദ്ധതി നടപ്പിലാക്കും.
H-1B വിസക്കാർക്ക് ആശ്വാസം: അമേരിക്കയിലെ H-1B വിസ കൈവശമുള്ളവർക്ക് കാനഡയിലേക്ക് വരാൻ വേഗത്തിലുള്ള (Accelerated) പാത 2026-ൽ തുറക്കും.
ഒന്റാറിയോ OINP പുനഃക്രമീകരണം: ഒന്റാറിയോ പ്രവിശ്യയിലെ ഇമിഗ്രേഷൻ സ്ട്രീമുകൾ ഏകീകരിക്കും. ഹെൽത്ത് കെയർ, എക്സപ്ഷണൽ ടാലന്റ് എന്നിവയ്ക്കായി പുതിയ വിഭാഗങ്ങൾ തുടങ്ങും.
വിദ്യാർത്ഥി വിസയിലെ പുതിയ ഇളവുകൾ: 2026 ജനുവരി 1 മുതൽ പബ്ലിക് ഇൻസ്റ്റിറ്റ്യൂട്ടുകളിൽ മാസ്റ്റേഴ്സ്, ഡോക്ടറേറ്റ് പഠനത്തിന് ചേരുന്നവർക്ക് പ്രൊവിൻഷ്യൽ അറ്റസ്റ്റേഷൻ ലെറ്റർ (PAL) നിർബന്ധമില്ല.
ആൽബർട്ട റൂറൽ റിന്യൂവൽ സ്ട്രീം: ഗ്രാമീണ മേഖലകളിലെ കുടിയേറ്റത്തിനായി ആൽബർട്ട പ്രവിശ്യ 2026 ജനുവരി മുതൽ പുതിയ നിബന്ധനകൾ ഏർപ്പെടുത്തും.
ഹോം കെയർ വർക്കർ പൈലറ്റ് നിർത്തലാക്കി: ഗാർഹിക പരിചരണ മേഖലയിലുള്ളവർക്കുള്ള ഇമിഗ്രേഷൻ പൈലറ്റ് പ്രോഗ്രാം 2026 മാർച്ചിൽ വീണ്ടും തുറക്കില്ലെന്ന് സർക്കാർ അറിയിച്ചു.
സംരംഭകർക്കായി പുതിയ പദ്ധതി: നിലവിലുള്ള ബിസിനസ് ഇമിഗ്രേഷൻ നിയമങ്ങൾ കർശനമാക്കുകയും പകരം യഥാർത്ഥ സംരംഭകർക്കായി ‘ടാർഗറ്റഡ് ഒന്റർപ്രണർ പൈലറ്റ്’ 2026-ൽ ആരംഭിക്കുകയും ചെയ്യും.
കൂടാതെ, സസ്കാച്ചവൻ (SINP) തങ്ങളുടെ നോമിനേഷൻ വിതരണത്തിൽ മാറ്റം വരുത്തിയിട്ടുണ്ട്. 50% നോമിനേഷനുകൾ ഹെൽത്ത് കെയർ, കൃഷി തുടങ്ങിയ മുൻഗണനാ മേഖലകൾക്കായി മാറ്റിവെക്കും.
ഒരു അംഗീകൃത ഇമിഗ്രേഷൻ കൺസൽട്ടന്റിന്റെ സേവനങ്ങൾക്ക് ബന്ധപ്പെടാം: +1 (289) 690-8119 ( eHouse Immigrations Services Ltd) (https://ehouseimmigration.ca/)
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
10 New Canada Immigration Laws and Changes Coming in 2026
