സസ്കാച്ചവൻ: സസ്കാച്ചവനിലുള്ള ബിഗ് ഐലൻഡ് ലേക്ക് ക്രീ നേഷൻ ഗോത്രവർഗ്ഗ മേഖലയിലുണ്ടായ വെടിവെപ്പിൽ ഒരാൾ കൊല്ലപ്പെടുകയും മൂന്ന് പേർക്ക് പരിക്കേൽക്കുകയും ചെയ്തു. ചൊവ്വാഴ്ച രാവിലെയാണ് പ്രദേശം നടുങ്ങിയ അക്രമ സംഭവം ഉണ്ടായത്. ആയുധധാരികളായ രണ്ട് പ്രതികൾക്കായി കനേഡിയൻ മൗണ്ടഡ് പോലീസ് (RCMP) ഊർജിതമായ തിരച്ചിൽ ആരംഭിച്ചു. പ്രതികൾ അതീവ അപകടകാരികളാണെന്നും അതിനാൽ സസ്കാച്ചവനിലെ മെഡോ ലേക്ക് മുതൽ ആൽബർട്ടയിലെ ബോണിവിൽ വരെയുള്ള പ്രദേശങ്ങളിൽ താമസിക്കുന്നവർ വീടിനുള്ളിൽ സുരക്ഷിതരായിരിക്കണമെന്നും പോലീസ് ജാഗ്രതാ നിർദ്ദേശം നൽകിയിട്ടുണ്ട്.
ഈ ആക്രമണം ആസൂത്രിതമാണോ അതോ യാദൃശ്ചികമായി സംഭവിച്ചതാണോ എന്ന് പോലീസ് അന്വേഷിച്ചു വരികയാണ്. സുരക്ഷാ മുൻകരുതലിന്റെ ഭാഗമായി ബിഗ് ഐലൻഡ് ലേക്ക് ക്രീ നേഷനും പ്രദേശത്തെ ഏഴ് ആരോഗ്യ കേന്ദ്രങ്ങളും നിലവിൽ അടച്ചിട്ടിരിക്കുകയാണ്. പോലീസിന്റെ നീക്കങ്ങൾ സോഷ്യൽ മീഡിയ വഴി പങ്കുവെക്കരുതെന്നും അനാവശ്യമായി ആരും പുറത്തിറങ്ങരുതെന്നും അധികൃതർ കർശന നിർദ്ദേശം നൽകി. സസ്കാച്ചവൻ പ്രീമിയർ സ്കോട്ട് മോ സംഭവത്തിൽ ദുഃഖം രേഖപ്പെടുത്തുകയും പരിക്കേറ്റവരുടെ കുടുംബങ്ങളോടൊപ്പം നിൽക്കുന്നതായും അറിയിച്ചു.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
1 dead, 3 injured in shooting on Saskatchewan First Nation
